«Այսօր Արցախի անվտանգութիւնը համար մէկ խնդիրն է, ատրպէյճանցիների՝ վերջին շրջանում դրսեւորած, այսպէս ասած, աշխուժութիւնը չի կարող անարձագանք մնալ: Խօսքը հայկական մեքենաների քարկոծման դէպքերի մասին է», – այսօր՝ Մարտ 30-ին ըսած է Արցախի ԱԺ նախագահ՝ Արթուր Թովմասեան արտաքին գործոց նախարար՝ Դաւիթ Բաբայեանի հետ հանդիպման ընթացքին:
Արցախի ԱԺ-ի մամլոյ ծառայութեան հաղորդմամբ` անոնք քննարկած են նաեւ այս եւ օրակարգային այլ հարցեր միջազգային ատեաններ բարձրացնելու անհրաժեշտութիւնը:
Յիշեցնենք, որ երէկ հաղորդուեցաւ, որ զոհուած զինծառայողներու մարմինները Ստեփանակերտէն Գորիսի դիահերձարան փոխադրող ինքնաշարժի ուղղութեամբ ատրպէյճանցիներ քարեր նետած են եւ կտրած ապակիները: «Ֆորտ թրանզիթի» մէջ կային 5 զինծառայողներու մարմիններ ։
Հանդիպման ընթացքին, ԱԺ-ի նախագահը շեշտած է ԵԱՀԿ Մինսքի խումբի ծիրէն ներս ատրպէյճանա-ղարաբաղեան հակամարտութեան կարգաւորման գործընթացը, նաեւ նշած է տարբեր երկիրներու, ի մասնաւորի, Ռուսաստանի հետ յարաբերութիւններու հետագայ զարգացման ու խորացման կարեւորութիւնը։ Արցախի արտաքին գործոց նախարար՝ Դաւիթ Բաբայեան կարեւորութիւն տուած է խորհրդարանական դիւանագիտութեան, որպէս արտաքին քաղաքականութեան կարեւոր բաղադրիչներէն մէկը:
