Արցախի Հանրապետութեան նախագահ Արայիկ Յարութիւնեան բարձրաստիճան պետական այրերու եւ Արցախի հոգեւոր թեմի առաջնորդ Գերաշնորհ Տ. Վրթանէս Եպիսկոպոս Աբրահամեանի հետ Փետրուարի 20-ին մասնակցած է Արցախեան շարժման 33-րդ տարեդարձին նուիրուած երթին, ծաղիկներ խոնարհելով Ստեփանակերտի քաղաքային յուշահամալիրի մօտ: Երկրի ղեկավարը այցելած է նաեւ զինուորական պանթէոն եւ յարգանքի տուրք մատուցած՝ հայրենիքի պաշտպանութեան համար զոհուածներու յիշատակին: