Թրքական իշխանութիւններուն հասցէագրուած սուր քննադատութիւններով յայտնի հայ իրաւապաշտպան՝ Արլէթ Նաթալի Աւազեանի դէմ հետաքննութիւն սկսած է, Թուրքիոյ նախագահի Ռէճէպ Թայէպ Էրտողանի հասցէին վիրաւորական հրապարակումներ ընելու համար, գրած է Ermenihaber.am-ը։
Այս մասին Աւազեան գրառում կատարած է Twitter-ով, հրապարակելով նաեւ իրեն ուղղարկուած հետաքննութիւն սկսելու մասին որոշման փաստաթղթերը:
Նշուած է, որ 2014-2018 թուականներու ընթացքին, Աւազեան Twitter-ով նախագահի հասցէին վիրաւորական 8 հրապարակում կատարած է, որոնք յանցակազմ պարունակող արարք որակուած են:
Յիշեցնենք, որ ասիկա Աւազեանի դէմ հետաքննութիւն սկսելու առաջին դէպքը չէ: Զայն նաեւ քանիցս բերման ենթարկած են Թուրքիոյ պաշտօնատար անձերու հասցէին սուր քննադատութիւններ հնչեցնելու համար:
Իրաւապաշտպանը 2019-ի Հոկտեմբերին, Twitter-ի վրայ գրառում կատարած էր Թուրքիոյ արտաքին գործոց նախարար՝ Մեւլութ Չաւուշօղլուի մասին։ Ան տեղադրած էր արտաքին գործոց նախարարի ընտանիքի 1998-ի լուսանկարը եւ գրած․ «Անոնք Անթալիոյ հարաւային շրջանին մէջ յայտնի եղած են որպէս «քրտական գողեր»»։
Նշենք, որ Արլէթ Նաթալի Աւազեանի Twitter-ին կը հետեւի 175.000 օգտատէր: Անոր կատարած գրառումներուն թիւը կ’անցնի 230.000-ը:
