Հայաստան թողարկած է 750 միլիոն տոլարի «եուրոպոնտ»-ի բաժնետոմսեր: «Արմէնփրես»-ի հաղորդմամբ՝ այս մասին ասուլիսի ատեն տեղեկութիւնը հաստատեց ՀՀ կեդրոնական դրամատան նախագահ՝ Մարթին Գալստեան:
«Այո, թողարկուել են 750 միլիոն տոլարի եուրոպոնտ: Թողարկուել են 10 տարի ժամկէտայնութեամբ, 3.875 տոկոս եկամտաբերութեամբ»,-ըսաւ Գալստեան:
Գալստեան վստահեցուց, որ Հայաստանի կողմէ թողարկուած բաժնետոմտերու նկատմամբ պահանջարկը երբեք այդքան բարձր չէ եղած: Կեդրոնական դրամատան նախագահը այդ պայմանաւորեց շարք մը գործօններով: Այս պահու դրութեամբ՝ համաշխարհային ֆինանսական հիմնարկներու եւ ներդրողներու մօտ բաւականաչափ մեծ թիւով գումար կայ կուտակուած, եւ իրենք կը փնտռեն, թէ ուր կարելի է ներդրում ընել:
Ըստ Կեդրոնական դրամատան՝ վերջին ամիսներուն կ’արձանագրուի միջազգային ֆինանսական շուկաներուն մէջ երկրի վտանգաւոր յաւելավճարի գնահատականի որոշակի բարելաւում:
«Այսինքն՝ միջազգային ներդրողների մօտ ընկալումը՝ երկրում մաքրոկայունութեան վերաբերեալ, յստակ է: Սա ամենակարեւոր պատգամն է» ,- ըսաւ Կեդրոնական դրամատան նախագահը:
Անդրադառնալով հարցին, թէ արդեօք այդ 750 միլիոն տոլարը պէտք է գումարել Հայաստանի պետական պարտքին՝ Գալստեան ըսաւ, « եթէ սրա հաշուին չի իրականացուելու նախկինում թողարկածի վաղաժամ մարում, ապա՝ այո»: