Ֆրանսայի Ծերակոյտը Նոյեմբեր 25-ին կը քննարկէ Արցախի անկախութիւնը ճանաչելու բանաձեւի օրինագիծը: Այդ մասին «Թուիթըր»ի միկրոպլոկին մէջ տեղադրած գրառմամբ յայտնած է «Հանրապետականներ» կուսակցութեան խմբակցութեան նախագահ՝ Պրիւնօ Ռետայոն:
Ֆրանսայի խորհրդարանի վերին պալատի՝ Ծերակոյտի ընդունած բանաձեւերը խորհրդատուական բնոյթ ունին, գործադիրը զանոնք կ’ընդունէ ի գիտութիւն եւ պարտաւոր չէ կատարելու:
«Միայն Արցախի Հանրապետութեան անկախութիւնը կրնայ յուսալիօրէն երաշխաւորել Լեռնային Ղարաբաղի բնակչութեան իրաւունքներն ու ազատութիւնները եւ պաշտպանել թրքական իսլամական ընդլայնումէն», – գրած է Ռետայոն: