Ազգային ժողովի նախագահ Արարատ Միրզոյեանը տեղափոխուած է հիւանդանոց, յայտնած է վարչապետի աշխատակազմի խօսնակ Էդուարդ Աղաջանեանը:
«Ունի վնասուածքներ: Բարեբախտաբար կեանքին վտանգ չի սպառնում», – ըսած է Աղաջանեանը:
Հայաստանի վարչապետ Նիկոլ Փաշինեանը ֆեյսպուքեան ուղիղ եթերի ընթացքին յայտարարեց, որ Միրզոյեանի կեանքին այս պահուն վտանգ չսպառնար, բայց հիմա կը վիրահատուի:
«Արարատ Միրզոյեանն այն մարդկանցից մէկն է, ով արցունքն աչքերին է ընդունել կամ չի էլ ընդունել այդ որոշումը:
Մեր քաղաքական թիմում այդպիսի մարդ չկայ, որ արտասուելով չի ընդունել այդ որոշումը, ու ինչ-որ ստահակներ յարձակւում են Արարատ Միրզոյեանի ու իր երեխայի վրայ, ինչ-որ ստահակ, որը վերջին տարուայ մէջ մարդ ծեծելու յագուրդը չէր կարողացել բաւարարել», – գրած է վարչապետը:
«Պէտք է պատրաստուել վրէժի, կոռուպցիոն, օլիգարխ ստահակներին, էս երկիրը թալանածներին, զինուորի հացը գողացածներին, զինուորի զէնքը գողացածների նկատմամբ մենք ճիշդ չենք վարուել, ես ներողութիւն եմ խնդրում դրա համար եւ բոլոր այն քաղաքացիներին, ովքեր հասկանում են ինչ է կատարւում, ես կոչ եմ անում պատրաստուել վրէժի», – աւելցուցած է Նիկոլ Փաշինեան:
Վարչապետը տեղեկացուց նաեւ թէ, կը մտածէ յառաջիկային հանրահաւաք կազմակերպելու մասին:
