«Բոլոր այն քաղաքացիներն, ովքեր կապ չունեն ջարդարարների հետ խնդրում եմ գնալ տուն: Բոլոր այն քաղաքացիներին, ովքեր հաւատում են ինձ եւ հաւատում են մեզ՝ խնդրում եմ պատրաստուել պայքարի», – ֆեյսպուքեան իր էջին վրայ գրած է վարչապետ Նիկոլ Փաշինեան` դիմելով Կառավարութեան եւ Ազգային ժողովի շէնքերուն մօտ հաւաքուած քաղաքացիներուն:
Երկուշաբթի երեկոյեան, որոշ մարդիկ ներխուժած են Կառավարութեան եւ Ազգային ժողովի շէնքեր եւ կատարած՝ անկարգութիւններ:
«Յանկարծ վայրկեան անգամ չկասկածէք՝ որ որեւէ անազնիւ բան չենք արել, որեւէ գործարքի չեմ գնացել եւ գործել եմ այնպէս, որ ունենամ բոլոր հարցերի պատասխանները եւ մաքուր լինեմ հայրենիքիս, ժողովրդի առաջ: Այս ծանր պահին պիտի կանգնենք կողք-կողքի՝ ընդդէմ սերմնացու գողացող մկների: Պղտոր ջրում ձուկ որսացողներ՝ դեռ կը խօսենք», – գրած է Փաշինեան: