Թուրքիոյ մայրաքաղաք՝ Անքարայի Սինճան շրջանը գտնուող հայկական Սուրբ Փրկիչ եւ Ս. Քառասուն Մանուկ եկեղեցիներուն պատկանող հայկական գերեզմանոցը աւերած են։ Այս մասին կը յայտնէ ermenihaber.am-ը։
Նախկին փոխ վարչապետ Ալի Պապաճանի կողմէ հիմնադրուած «Ժողովրդավարութիւն եւ առաջընթաց» կուսակցութեան (DEVA) փոխ նախագահ Մուսթաֆա Եներօղլուն այս հարցի առթիւ դիմած է Անքարայի քաղաքապետ Մանսուր Եաւաշին։
Ան յայտնած է, որ գերեզմանոցի աճիւնները դուրս հանուած են գերեզմաններէն եւ ամէնուր մարդկային ոսկորներ ցրուած են։ Եներօղլուն շեշտած է, որ այս ամօթալի վիճակ է եւ պէտք է անմիջապէս աճիւնները վերաթաղել եւ կարգի բերել գերեզմանոցը։ Անքարայի քաղաքապետն ալ յայտնած է, որ իրենք կը զբաղին այդ հարցով։