Թեհրանի մէջ Յունիս 9-ին, քանի մը տասնեակ մարդիկ հաւաքուած են ՀՀ դեսպանութեան դիմաց եւ իրենց բողոքը արտայայտած են Հայաստանի մէջ Իսրայէլի դեսպանատան բացման դէմ:
Իրան լոյս տեսնող «Արաքս» շաբաթաթերթի գլխաւոր խմբագիր՝ Մովսէս Քեշիշեան մեզի հետ զրոյցի ընթացքին նշեց, որ բողոքի մասնակիցները Երեւանէն պահանջած են թշնամական դիրքորոշում ընդունիլ Թել-Աւիւի նկատմամբ:
Անոնք վանկարկած են «Մահ Իսրայէլին, մահ Միացեալ Նահանգներուն եւ մահ Բրիտանիոյ» կարգախօսները ու այրած են Իսրայէլի դրօշը։
Նշենք, որ Հայաստան աւելի վաղ յայտարարած էր, որ ՀՀ-ն իր յարաբերութիւնները երրորդ երկիրներուն հետ կը ճշդէ ելլելով իր ազգային շահերէն, եւ որ ՀՀ յարաբերութիւնները այլ երկիրներու հետ երբեք չեն կրնար բացասական ազդեցութիւն ունենալ Հայաստան-Իրան բարեկամական յարաբերութիւններուն վրայ: