Հայաստանի եւ Վրաստանի արտաքին գործոց նախարարներու միջեւ ձեռք բերուած պայմանաւորուածութեան ի արդիւնք եւ Ամերիկեան խորհուրդներու հետ սերտ համագործակցութեամբ, կազմակերպուած է FLEX ծրագիրով Ամերիկայի Միացեալ Նահանգներու հանրակրթական տարբեր աւագ դպրոցները ուսանող հայ եւ վրացի աշակերտներու վերադարձը համապատասխանաբար Հայաստան եւ Վրաստան: Այս մասին յայտնած է ՀՀ արտաքին գործոց նախարարութեան մամլոյ խօսնակ Աննա Նաղտալեան:
Նշելով, որ Ամերիկայի Միացեալ Նահանգներու մօտ ՀՀ դեսպանութիւնը մշտական կապի մէջ եղած է FLEX ծրագիրով ամերիկեան տարբեր նահանգներ գտնուող աւագ դպրոցի հայ աշակերտներու եւ ծրագիրի հայաստանեան ներկայացուցչի հետ, Նաղտալեան կը յայտնէ, որ դեսպանութեան համակարգումով Ամերիկայի խորհուրդներու կողմէ ապահովուած է աշակերտներու անվտանգ տեղափոխումը ԱՄՆ-ի 19 նահանգներէն դէպի Շիքակօ քաղաք, այնուհետեւ Հայաստան, Տոհա-Թիֆլիս չուերթով եւ այնուհետեւ հանրակառքով դէպի Հայաստան։
«Շիքակոյի օդանաւակայանում ԱՄՆ-ում ՀՀ դեսպանութեան եւ Շիքակոյում ՀՀ պատուաւոր հիւպատոսութեան կողմից հայ աշակերտներին տրամադրուել են առողջապահական անվտանգութեան անհրաժեշտ պարագաներ: Համակարգուել է նաեւ Տոհայի օդանավակայանում հայ ուսանողների դիմաւորումն ու ուղեկցումը մինչ մեկնման միւս սրահ:
Վերոնշեալ համագործակցութեան արդիւնքում Հայաստան են վերադառնում 34 աշակերտ եւ ամերիկեան ACES ծրագիրի շրջանակներում ԱՄՆ-ում ուսանող մէկ աշակերտ: Վերջիններս Հայաստան վերադառնալուն պէս ենթարկուելու են 14-օրեայ պարտադիր (կարանտին) արգելափակման ռեժիմի», – ըսուած է խօսնակի հաղորդագրութեան մէջ, զոր տարածած է Արտաքին գործոց նախարարութեան լրատուութեան եւ հանրութեան հետ կապերու վարչութիւնը:
«Սա Հայաստանի եւ Վրաստանի՝ նոր տիպի «Քորոնա» ժահրի տարածմամբ պայմանաւորուած իրադրութիւնում տարբեր երկրներում գտնուող քաղաքացիներին համագործակցաբար հայրենիք վերադարձնելու հերթական լաւ օրինակն է: Շնորհակալութիւն ենք յայտնում Ամերիկայի խորհուրդներին՝ հայ աշակերտների տեղափոխումն արագ ու հարթ կազմակերպելու, ինչպէս նաեւ մեր վրաց գործընկերներին՝ աջակցութեան եւ արդիւնաւէտ համագործակցութեան համար», – նշուած է հաղորդագրութեան մէջ: