Ֆրանսիայի մէջ «Քորոնա» ժահրով մահացած է հայազգի քաղաքական գործիչ, Օ-տե-Սեն Բաժանմունքի գլխաւոր խորհուրդի նախագահ եւ Ֆրանսիայի նախկին արդիւնաբերութեան նախարար Պատրիկ Տեւէճեան:
75-ամեայ Տեւէճեան մի քանի օրեր առաջ յայտնած էր, որ հիւանդութիւնը հասած է նաեւ իրեն, բայց բժիշկներու շնորհիւ կ՛ապաքինի եւ ունի զգալի տեղաշարժ:
Պատրիկ Տեւէճեանի մահուան առթիւ ցաւակցական խօսքեր յայտնեցին Ֆրանսայի նախկին նախագահներ՝ Նիկոլա Սարկոզի, Ֆրանսուա Օլանդ եւ այլ քաղաքական դէմքեր:
Հայազգի գործիչի մահուան սուգին առթիւ ցաւակցական խօսքեր յղեցին ՀՀ նախագահ Արմէն Սարգսեան, վարչապետ Նիկոլ Փաշինեան, Արցախի նախագահ Բակօ Սահակեան եւ Ամենայն Հայոց Կաթողիկոս Գարեգին Երկրորդ: