Հայաստան «Քորոնա» ժահրի դէպքերը հասան 265-ի, 24 Մարտի ժամը 9-ի դրութեամբ այն 249 էր: Այս մասին կը հաղորդէ Առողջապահութեան նախարարութեան Հիւանդութիւններու վերահսկման եւ կանխարգիլման ազգային կեդրոնի պաշտօնական կայքէջը:
Բուժուած է 16 անձ, իսկ 1315 քննութիւններու արդիւնքները բացասական եղած են:
Յիշեցնենք, որ խստացած է 16 Մարտին սահմանուած արտակարգ դրութիւնը երկրին մէջ. սահմանափակուած է մարդոց ազատ տեղաշարժը: Բացառութիւն կը կազմեն հրամանատարի որոշումով սահմանուած բացառիկ դէպքերը, օրինակ` այցելութիւններ մթերային խանութներ, դեղատուներ, խնամքի կարիք ունեցող մարդոց, հոգեհանգստի արարողութիւններ:
Դուրս կարելի է գալ նաեւ օրական մէկ անգամ, միայնակ, մարզանքի համար: Անձնական ինքնաշարժներով կը թոյլատրուի առաւելագոյնը 2 անձի, ներառեալ վարորդի տեղափոխումը: Որեւէ անձ ամէն անգամ տունէն դուրս ելլելէն առաջ պարտաւոր է լրացնել արտակարգ դրութեան ժամանակահատուածի եատուկ տեղաշարժի թերթիկ: