Home ՀԱՅԱՍՏԱՆ Ռուբէն Հայրապետան Բերման Ենթարկուած Է Ապօրինի Զէնք-Զինամթերք Պահելու Ու Կրելու Կասկածանքով

Ռուբէն Հայրապետան Բերման Ենթարկուած Է Ապօրինի Զէնք-Զինամթերք Պահելու Ու Կրելու Կասկածանքով

by MassisPost

Հայաստանի ֆութպոլի ֆետերացիայի (ՀՖՖ) նախկին նախագահ Ռուբէն Հայրապետեանը դուրս եկաւ ոստիկանութեան բաժանմունքէն, ուր բերման ենթարկուած էր ապօրինի զէնք-զինամթերք պահելու ու կրելու կասկածանքով:

Ան յայտարարեց, որ իր մօտ ապօրինի զէնք չեն յայտնաբերած, որ ինքն ունի 3 օրինական զէնք. – «Թոյլատրութիւններն էլ գրպանս դրած է», – ըսած է ան, ապա շարունակած. «Կապիկութիւն էր: Փորձում էին ինձ վախեցնել, բայց մի բան չեն հասկանում, որ իմ տեսակին չեն կարող նման ձեւով վախեցնել, առհասարակ մեր տեսակն է ուրիշ: Եթէ նոյնիսկ պառկեցնէին ասֆալթին, ամօթ չի ոստիկանի կողմից ասֆալթին պառկելը, բայց որ մի գեղեցիկ օր ես եմ պառկեցնելու, ոտքերս մաքրեմ իրենց վրայ, դա հաստատ լինելու է», – լրագրողներու հետ զրոյցի ժամանակ ըսած է ան:

Հայրապետեանի ներկայացմամբ՝ իրեն բերման ենթարկած են նորմալ, առանց ուժ գործադրելու:

ՀՖՖ նախկին նախագահը նաեւ յայտարարած է, թէ իրեն, ինչպէս նաեւ «Ադեկվադի» անդամներուն բերման ենթարկելու հեղինակը վարչապետն է:

Դեկտեմբեր 20-ին Ռուբէն Հայրապետեանին փաստացի պատկանող «Զեյթունի կահոյքի ֆապրիքա» ընկերութեան տնօրէնին եւ ֆետերացիայի թեխնիքական (Թէքնիք) հսկիչին ձերբակալելու որոշումներ կայացուցած էին: Իսկ աւելի վաղ Հայաստանի ֆութպոլի ֆետերացիային մէջ խոշոր չափերով իւրացման գործի շրջածիրէն ներս խուզարկութիւն իրականացուած էր  Ռուբէն Հայրապետեանի տան մէջ: Գործը յարուցուած է 4 յօդուածներով՝ բացի խոշոր չափերով իւրացումէն, նաեւ խումբ մը անձանց կողմէ փաստաթուղթեր կեղծելու, կազմակերպութիւններու ծառայողներու կողմէ լիազօրութիւններ չարաշահելու, պաշտօնէական անփութութեան յատկանիշներով:

Հարակից Նյութեր

Leave a Comment