Հայաստանի ֆութպոլի ֆետերասիոնը ամփոփած է «Տարուան լաւագոյն ֆութպոլիստ» անուանակարգին մէջ 2019-ի քուէարկութեան արդիւնքները․ Հայաստանի 2019-ի լաւագոյն ֆութպոլիստ ճանչցուած է Հայաստանի ազգային հաւաքականի աւագ եւ իտալական «Ռոմա»-ի կիսապաշտպան Հենրիխ Մխիթարեան, որ այս կոչումին կ’արժանանայ 9-րդ անգամ ըլլալով: Մխիթարեան հաւաքած է 109 միաւոր:
Ըստ ՀՖՖ կայքին` 104 միաւորով երկրորդը Հայաստանի ազգային հաւաքականի եւ գերմանական «Հոֆենհայմ»-ի յարձակող Սարգիս Ադամեանն է:
61 միաւորով երրորդ տեղը կը զբաղեցնէ Հայաստանի ազգային հաւաքականի եւ ղազախական «Աստանա» ակումբի յարձակող Տիգրան Բարսեղեանը:
