Հայաստանի մէջ վերջին տարիներուն թէեւ աւելցած է, այսպէս կոչուած, նորաձեւ անունները՝ Ալեքսներ, Միլենաներ, Էլեններ, Էրիքները, սակայն նորածիններու շրջագիծէն ներս կը շարունակեն առաւել տարածուած մնալ հայկական Նարէ եւ Դաւիթ անունները։
Վիճակագրական կոմիտէի հրապարակած տուեալներու համաձայն՝ 2018 թուականին 658 երեխայ անուանակոչուած են Նարէ, 1404 երեխայ` Դաւիթ անուններով։
Աղջիկ նորածիններու ամենատարածուած անուններն են` Մարիա, Մանէ, Մարի, Արփի, Մարիամ, Էլեն, Անահիտ, Միլենա, Եւա։ Տղայ երեխաներուն տրուող ամենատարածուած անուններն են` Նարեկ, Հայկ, Տիգրան, Մարք, Ալեքս, Արէն, Արթուր, Գոռ, Սամուէլ։
Ինչ կը վերաբերի ազգանուններուն, ապա Հայաստանի մէջ ամենատարածուածը Գրիգորեան ազգանուն է։ Տասնեակին մէջ կը գտնուին նաեւ Յովհաննիսեան, Յարութիւնեան, Սարգսեան, Խաչատրեան, Յակոբեան, Մկրտչեան, Վարդանեան, Գէորգեան, Պետրոսեան ազգանունները։
Ըստ վիճակագրութեան՝ աղջիկներու ամենատարածուած ազգանուններու ցանկը գլխաւորած են Գրիգորեանը (522), տղաներունը` Յովհաննիսեանը (563)։
Տեղեկացնենք, որ վիճակագրութեան համաձայն, Հայաստանի մէջ 2018 թուականին ծնած է 17 322 աղջիկ (2017-ին՝ 17 950), 19 252 տղայ (2017-ին՝ 19 749)։
