Թուրքիան կը ծրագրէր ռազմական գործողութիւն կատարել Հայաստանի դէմ՝ «ALTAY» քոտով՝ համաձայն գաղտնի փաստաթուղթի, որ կը ներկայացնէր դասակարգուած փաստաթուղթերէն բացակայող էջերը, որոնք մանրամասն կը նկարագրեն գործողութիւնները: Այս մասին կը գրէ շուէտական Nordic Monitor կայքը։
Ներքին փաստաթուղթը, որ ներկայացուած է Գլխաւոր շտապին, եւ որու պատճէնը ձեռք բերուած է «Nordic Monitor»-ի կողմէ, կը նշէ, որ ծրագիրը դեռ կը գործէ:
Կը նշուի, որ 2016 -ի Մայիս 23 թուագրուած գրութեան համաձայն, որ ներկայացուած է Գլխաւոր շտապին, որոշ էջեր, որ կը ներառէին Հայաստանի նկատմամբ «OĞUZTÜRK Hava Harekât Planı» անունը ստացած օդային հարուածներու գործողութիւնները (OĞUZTÜRK օդային գործողութիւնների պլան), անհետացած էին: Այս բացայայտումը կատարուած է Անգարայի «Akıncı» օդուժի ռազմակայանին մէջ գտնուող վերահսկիչ փաստաթուղթերու գրասենեակին մէջ՝ ծրագրերու վերանայման ընթացքին: Դէպքի կապակցութեամբ սկսած է իրաւական հետաքննութիւն:
Ըստ տեսչութեան կողմէ ներկայացուած հակիրճ գրութեան՝ գաղտնի ծրագիրը վերջնական տեսքի եկած 2001-ի Յուլիս 13-ին: Այն պատրաստուած է 2-րդ մարտավարական օդուժի հրամանատարութեան կողմէ։
Գրութեան մէջ նշուած է, որ գործողութիւններու ծրագիրը դեռ վաւեր է, եւ ընդգծուած է, որ խախտումը բացասական ազդեցութիւն չունենար Թուրքիոյ զինուած ուժերու «ALTAY» հրահանգի վրայ:
Ինչպէս կը գրէ Nordic Monitor-ը, «ALTAY» ծրագիրը Թուրքիոյ զինուած ուժերու կողմէ կազմուած գործողութիւններու ընդհանուր ծրագիր էր, եւ որ իւրաքանչիւր ուժային հրամանատարութիւն իր հրահանգն ունէր ըստ տրուած ուղղութիւններու: Յուշաթերթին մէջ չէ նշուած «ALTAY» հրահանգի մանրամասները, որոնք, կարծես թէ, եղած են Հայաստանի համար ընդհանուր ռազմական ծրագիր, կամ անոր օդուժի՝ «OĞUZTÜRK» գործողութեան մանրամասները: Չէ նշուած, թէ ինչպէս անհետացած են գաղտնի ծրագրի այդ էջերը ։
