2019 թուականի Յունուար-Սեպտեմբերին Հայաստան ժամանած է 1 միլիոն 459 հազար 152 զբօսաշրջիկ, ինչը 2018 -ի նոյն ժամանակի համեմատ աճած է 14,4%-ով: Նման տուեալներ հրապարակած է ՀՀ վիճակագրական կոմիտէն:
Նշենք, որ 2018-ի Յունուար-Սեպտեմբերին Հայաստան այցելած է 1 միլիոն 275 հազար 209 զբօսաշրջիկ:
Վիճակագրութեան համաձայն՝ այս տարուան 9 ամիսներուն զբօսաշրջութեան նպատակով հանրապետութենէն մեկնած է 1 միլիոն 312 հազար 282 մարդ՝ 2018-ի նոյն ժամանակահատուածի համեմատ աճելով 14,3%-ով:
Ըստ ՄԱԿ-ի զբօսաշրջութեան համաշխարհային կազմակերպութեան՝ միջազգային զբօսաշրջիկ կը համարուի ոեւէ անձ, որ հանգստանալու, բուժուելու, հարազատներուն այցելելու, գործնական, կրօնական կամ այլ նպատակներով կը ճանապարհորդէ իր հիմնական բնակութեան վայրէն մէկ այլ վայր ոչ պակաս քան 24 ժամ եւ ոչ աւելի քան անընդմէջ 1 տարի ժամանակով: Այսինքն‘ անոր հիմնական նպատակը ճանապարհորդելն է, այլ ոչ թէ աշխատանքային գործունէութեամբ զբաղուիլը, որու պարագային ուղեւորութեան համար վճարումները կը կատարուին ժամանած վայրի մէջ աշխատանքային գործունէութենէն ստացած նիւթական միջոցներու հաշուոյն:
