Միացեար Նահանգներու Հայկական Հարցերու Գոնկրեսի Համախմբումը ղեկավարութիւնը կը յայտարարէ, որ յաջորդ շաբաթ Հայոց ցեղասպանութեան ճանաչման և յիշատակման մասին թիւ 296 բանաձևը քուէարկութեան կը դրուի Ներկայացուցիչներու Տան լիագումար նիստին:
Բանաձևի հեղինակները՝ գոնկրէսականներ Ատամ Շիֆ, Կաս Պիլիրակիս, Ֆրենք Փալոն, Փիթըր Քինկ և Ջեքի Սփիեր կը յայտարարեն․- «Որպէս Հայկական հարցերով գոնկրէսական համախմբումի ղեկավարներ՝ մենք ուրախ ենք, որ թիւ 296 բանաձևը, որ կը ճանաչնայ և կը յիշատակէ Հայոց ցեղսպանութիւնը, յաջորդ շաբաթ Ներկայացուցիչներու Տան մէջ կը դրուի քուէարկութեան: Ամերիկեան դիւանագէտները ականատես եղած են 1915-1923 թուականներուն տեղի ունեցած Ցեղասպանութեան, որու հետևանքով սպանուածլ են 1․5 միլիոն հայեր, ինչպէս նաև այլ կրոնական և էթնիկ փոքրամասնութիւններու բազմաթիւ ներկայացուցիչներ: Այս Ցեղասպանութեան փաստի մասին կը վկայեն նաև պատմական փաստաթուղթերը»:
Բանաձևի հեղինակները նաև կը շեշտեն․ – «Մեծաթիւ ամերիկացներ չեն գիտեր 20-րդ դարասկզբին տեղի ունեցած առաջին ցեղասպանութեան, ինչպես նաև այն մասին, որ Միացեալ Նահանգները անհամար կեանքեր փրկած է: Հիմա, երբ Թուրքիան հիւսիսային Սիրիոյ տարածքին յարձակում նախաձեռնած է, որու հետևանքով սպանուեցան հարիւրաւոր մարդիկ և տեղահանուեցան հարիւր հազարաւորները, առաւել կարևոր է, որ Ներկայացուցիչներու Տանկողմէ յստակ և ուղիղ խօսք հնչէ մարդկութեան դէմ յանցանքներու մասին՝ անկախ թէ անոնք տեղի ունեցած են մէկ դար առաջ, թէ մեր օրերուն: Յաջորդ շաբաթ Ներկայացուցիչներու Տան բոլոր անդամները կարնան հրապարակաւ և յստակ արտայայտուիլ ցեղասպանութեան պատմական փաստի մասին՝ միանալով Միացեալ Նահանգներու 49 նահանգներուն և մեր մերձաւոր դաշնակիցներուն, որոնք արդէն իսկ կատարել են այս կարևոր քայլը»:
