Home ՀԱՅԱՍՏԱՆ Վարչապետը Ներկայ Եղած է Մարալիկի Բամբակամանուածքային Գործարանի Բացման

Վարչապետը Ներկայ Եղած է Մարալիկի Բամբակամանուածքային Գործարանի Բացման

by MassisPost

Վարչապետ Նիկոլ Փաշինեանը մասնակցած է Մարալիկի բամբակամանուածքային գործարանի բացման: Ան շրջած է գործարանի բոլոր արտադրամասերուն մէջ, ուր ներկայացուած էր, թէ ինչ արհեստագիտութեամբ եւ սարքաւորումներով պիտի թողարկուի արտադրանքը: Զրուցած է նաեւ աշխատակիցներու հետ, սակայն հրաժարած է պատասխանել լրագրողներու հարցերուն:

Գործարանը զուիցերիահայ գործարար Վարդան Սերմաքէշի ներդրմամբ  կառուցուած է: Վերջինս եւս մասնակցած էր գործարանի բացման: Սերմաքէշը կը ֆինանսաւորէ, բայց գործարանը փաստացի կը տնօրինէ «Գէորգ եւ Վահան» ՍՊԸ-ն՝ Սերմաքէշի հետ ըլլալով համասեփականատէր: Գործարանի համասեփականատէր Գէորգ Գասպարեանը ըսած է, թէ Մարալիկի նախկին բամբակամանուածքային գործարանի հիմքին վրայ վերակառուցուած գործարանը նախկինի 10 տոկոսի չափով կարողացած են վերագործարկել:

maralig-2

«Տարածքի մենք ամբողջ 4-5 տոկոսն ենք օգտագործել, բայց արտադրանքի ծաւալը հաւասար է Սովետական Միութիւնում արտադրուած ամբողջ մանուածքի չափին, այսինքն՝ թեխնոլոկիաներ են փոխուել։ Հիմա եթէ մենք գործարանը ամբողջ հունով աշխատենք, ինքը իրա շուրջ կը համախմբի շատ աւելի փոքր գործարարների, որոնք կը սկսեն աշխատել, հսկայական աշխատատեղ կ’ապահովեն», – նշած է Գասպարեանը։

Գործարանը երեք հերթով պիտի աշխատի, արտադրուած թելի սպառողը «Տաւուշ թեքսթիլ»-ն է, որ ձեռնոցներ կ’արտադրէ:

Թէ որքան աշխատատեղ պիտի բացուի, Գասպարեանը պատասխանած է. «Եթէ երեք հերթով աշխատենք, 150 հոգի»։

Ընկերութիւնը անցեալ տարի փորձած է Մասիսի մէջ փորձնական բամբակ աճեցնել, որ հումքը չներկրեն, սակայն չէ յաջողած: Հիմա կը ներկրեն Թուրքմենստանէն: Ամսական 380 հազար թոն թել պիտի արտադրուի, յետագային գործարանը նաեւ իր արտադրանքը պիտի թողարկէ:

Հարակից Նյութեր

Leave a Comment