Երեւանի ընդհանուր իրաւասութեան դատարանի դատաւոր Դաւիթ Գրիգորեանը կը հաստատէ՝ Յատուկ քննչական ծառայութիւնը առգրաւած է իր աշխատանքային համակարգիչը: «Ազատութեան» հետ զրոյցի ժամանակ Գրիգորեանը ձեռնպահ մնաց պնդումներէ, թէ իր նկատմամբ հնարաւոր է, որ հետապնդում կ’իրականացուի՝ սահմանադրական կարգի տապալման մէջ մեղադրուող Ռոպերդ Քոչարեանի գործի պատճառով:
Յատուկ քննչական ծառայութիւնը խուզարկութիւն իրականացուցած էր Դաւիթ Գրիգորեանի աշխատասենեակին մէջ, աշխատասենեակը կնքուած է: ՅՔԾ-էն հաստատած են, որ խուզարկութիւն տեղի ունեցած է ծառայութեան մօտ քննուող գործի շրջանակէն ներս, թէ ինչ գործի՝ չեն մանրամասնած:
Ի դէպ, քաղաքացիներէն մէկը դեռ Մարտին հաղորդում ներկայացուցած էր առաջին ատեանի դատարանի դատաւոր Դաւիթ Գրիգորեանի դէմ՝ Յատուկ քննչական ծառայութիւն:
Յիշեցնենք, դատաւոր Դաւիթ Գրիգորեանը Մայիս 18-ին կայացուցած որոշմամբ կալանքէն ազատեց Հայաստանի երկրորդ նախագահը, իսկ գործի վարոյթն ալ կասեցուցած՝ այն ուղարկելով Սահմանադրական դատարան՝ Քոչարեանին մեղսագրուող սահմանադրական կարգի տապալման յօդուածի սահմանադրականութիւնը, նաեւ նախագահի անձեռնմխելիութեան հիմնարկի էութիւնը որոշելու համար։