Home ԳԼԽԱՒՈՐ ԼՈՒՐԵՐ Վախճանած Է Միացեալ Թագաւորութեան Մէջ Հայաստանի Դեսպան Արման Կիրակոսեան

Վախճանած Է Միացեալ Թագաւորութեան Մէջ Հայաստանի Դեսպան Արման Կիրակոսեան

by MassisPost

Վախճանած է Մեծ Բրիտանիայի եւ Հիւսիսային Իռլանտայի Միացեալ Թագաւորութեան մէջ Հայաստանի Հանրապետութեան դեսպան Արման Կիրակոսեան, կը հաղորդէ Արտաքին Գործոց Նախարարութիւնը:

«Խորը կսկիծով տեղեկացանք, որ 63 տարեկան հասակում կեանքից վաղաժամ հեռացել է Մեծ Բրիտանիայի եւ Հիւսիսային Իռլանտիայի Միացեալ Թագաւորութիւնում Հայաստանի Հանրապետութեան արտակարգ եւ լիազօր դեսպան Արման Կիրակոսեանը, ով առաջին իսկ օրուանից կանգնած է եղել նորանկախ Հայաստանի դիւանագիտական ծառայութեան եւ արտաքին քաղաքականութեան կայացման ակունքներում եւ իր անգնահատելի ներդրումն է ունեցել այդ գործում», – իր ֆեյսպուքեան էջի միջոցաւ յայտարարութիւն տարածեց  Նախարարութիւնը, իր խորին ցաւակցութիւնը յայտնելով Կիրակոսեաններու ընտանիքին եւ հարազատներուն:

Դեսպանի մահուան կապակցութեամբ ցաւակցական ուղերձ յղած է Հայաստանի նախագահ Արմէն Սարգսեան:

«Անասելի ցաւ եմ ապրում. ես կորցրեցի վաղեմի ընկերոջս` Մեծ Բրիտանիայի եւ Հիւսիսային Իռլանտիայի Միացեալ Թագաւորութիւնում Հայաստանի Հանրապետութեան արտակարգ եւ լիազօր դեսպան, պատմական գիտութիւնների դոկտոր, պրոֆէսոր Արման Ջոնի Կիրակոսեանին: Մեր ընտանիքը կորցրեց իսկական բարեկամի ու հրաշալի մարդու, ում հետ հանդիպումը միշտ սպասուած, հաճելի եւ օգտակար էր: Մեր ժողովուրդը եւ պետութիւնը կորցրեցին արժանաւոր զաւակին, պրպտող պատմաբան-գիտնականին, պրոֆեսիոնալ դիւանագէտին, հայրենիքին նուիրուած արժանապատիւ քաղաքացուն», – ըսուած էր Հայաստանի Նախագահի ուղերձին մէջ:

Արման Կիրակոսեանը Արտաքին Գործոց Նախարարութեան համակարգէն ներս կը գործէր 1992 թուականէն ի վեր, տարբեր տարիներու զբաղեցնելով արտաքին գործոց նախարարի տեղակալի, Միացեալ Նահանգներու, Յունաստանի, Աւստրիոյ եւ Հունգարիոյ եւ Միացեալ Թագաւորութեան մէջ Հայաստանի արտակարգ եւ լիազօր դեսպանի, ԵԱՀԿ-ի Հայաստանի առաքելութեան ղեկավարի, Վիեննայի  ՄԱԿ-ի գրասենեակի եւ այլ միջազգային կազմակերպութիւններու մէջ Հայաստանի մշտական ներկայացուցչի պաշտօնները:

Յայտնի պատմաբան, խորհրդային Հայաստանի 1975-85 թուականներուն արտաքին գործոց նախարար Ճոն Կիրակոսեանի որդին է:

Հարակից Նյութեր

Leave a Comment