Home ԳԼԽԱՒՈՐ ԼՈՒՐԵՐ Հայաստանէն Նախկին Պաշտօնեաներու Կողմէ Գումարներու Արտահոսք Չկայ. Կեդրոնական Դրամատան Նախագահ

Հայաստանէն Նախկին Պաշտօնեաներու Կողմէ Գումարներու Արտահոսք Չկայ. Կեդրոնական Դրամատան Նախագահ

by MassisPost

Հայաստանէն նախկին պաշտօնեաներու կողմէ գումարներու արտահոսք չկայ, կ’աւելնայ ներհոսքը։ Այս մասին խորհրդարանէն ներս լրագրողներուն ըսած է Կեդրոնական դրամատան նախագահ Արթուր Ջաւատեանը՝ անդրադառնալով հարցին, թէ նախկին պաշտօնեաներու նկատմամբ յարուցուած քրէական գործերով երկրէն փողերու արտահոսք կա՞յ։

Ջաւատեանը ըսած է, որ արտահոսքի հարցերուն շատ ուշադիր են։ «Որոշակի աճ կայ, որը զուգակցւում է ներհոսքի հետ։ Եւ դա չի նշանակում, որ տեւական կամ խոշորածաւալ արտահոսք կայ երկրից։ Այդպիսի երեւոյթներ գոյութիւն չունեն»,- ըսած է ան։

Ըստ Կեդրոնական դրամատան նախագահի՝ գումարներու ներհոսքի աճը տարբեր գործօններու հաշւոյն է։ Նախ այն պայմանաւորուած է Եւրոպական տնտեսական միութեան (ԵՏՄ) երկիրներու միջեւ համագործակցութեամբ։ «Նաեւ աճը կապուած է այն ծաւալի վերականգնման հետ, որը մենք ունեցել ենք նախկինում, որի վրայ ազդեցութիւն ունեցաւ 2014 թուականի ֆինանսատնտեսական ճգնաժամը»,- ըսած է ան։

Գումարներու արտահոսքը, ըստ Կեդրոնական դրամատան նախագահի, կը գտնուի իրենց վերահսկողութեան տակ։ «Որեւէ գումար որեւէ ուղղութիւնով չի գնում, դա անհնար է։ Մենք ունենք բաւական լուրջ հսկող մեխանիզմներ, եւ նախորդ տարի Հայաստանում արուել է գնահատում մեր կողմից իրականացուող փողերի լուացման դէմ պայքարի եւ ահաբեկչութեան ֆինանսաւորման դէմ պայքարի միջոցառումների ուղղութեամբ, եւ համաձայն այդ գնահատականի՝ մենք բաւական բարձր մակարդակի վրայ ենք»,- աւելցուցած է Ջաւատեանը։

Հարակից Նյութեր

Leave a Comment