Պաշտպանութեան նախարար Դաւիթ Տօնոյեանը կը բացառէ, թէ որոշ ուժերու կամ գործիչներու կողմէ Հայաստանի նկատմամբ հնարաւոր են դաւաճանական գործողութիւններ, ինչի մասին Կառավարութեանէն ներս հրաւիրած խորհրդակցութեան ժամանակ յայտարարած էր վարչապետ Նիկոլ Փաշինեանը:
Վանաձորի մէջ «Ազատութեան» հարցին ի պատասխան նախարարը ըսած է. – «Որպէս Պաշտպանութեան նախարար, ես թոյլ չեմ տայ, որ էդպիսի բան լինի: Այսօրուայ Հայաստանում հնարաւոր չէ դաւաճանական գործողութիւններ: Եւ բոլոր գործողութիւնները կը չէզոքացուեն հենց սկզբնաղբիւրում»:
Նիկոլ Փաշինեանը ըսած էր, որ «կան այնպիսի ուժեր եւ գործիչներ, ովքեր նախապատրաստում են դաւաճանական գործողութիւններ»: Երկրի ղեկավարը ըսած էր, որ վերլուծելով իրավիճակը, անոր տակ կը տեսնէ «ընդհուպ դաւադիր պատերազմ հրահրելու, անգամ որոշ տարածքներ յանձնելու եւ տեղի ունեցածի պատասխանատւութիւնը Հայաստանի կառավարութեան վրայ դնելու հեռահար նպատակ»:
Ռազմական գործողութիւններու վերսկսման հնարաւորութեան մասին հարցին նախարարը արձագանգած է. – «Ռազմական գործողութիւնները հնարաւոր է, որ իրականացուեն տարբեր պատճառներով: Հնարաւոր է»:
Նշենք, որ Պաշտպանութեան նախարարը Վանաձորի մէջ կը մասնակցէր բնակարանամուտի արարողութեան: Շահագործման յանձնուած է նախարարութեան միջոցներով վերակառուցուած քառայարկ բնակելի շէնքը, որ կիսաքանդ վիճակի մէջ էր խորհրդային տարիներէն ի վեր: Վանաձորի զօրամասերէն մէկու 48 սպաները կ’ապրին բարեկարգ պայմաններու մէջ: Շէնքի վերակառուցման վրայ նախարարութիւնը ծախսած է 320 միլիոն դրամ:
Դաւիթ Տօնոյեանը ըսած է, որ ծրագիրը շարունակական պիտի ըլլայ: Ան նշած է, որ Երեւանի մէջ հաշմանդամութիւն ունեցող զինծառայողներ եւ զոհուած ու մահացած զինուորներու 55 ընտանիքներ անհատոյց, սեփականութեան իրաւունքով նորակառոյց շէնքի մէջ բնակարաններ պիտի ստանան յառաջիկայ օրերուն:
