2019 թուականի 1 Յունուարի դրութեամբ Հայաստանի մէջ աշխատանք կը փնտռէ 81 914 մարդ։
Ազգային վիճակագրական կոմիտէի հրապարակած տուեալներու համաձայն 2018-ի համեմատ աշխատանք փնտռողներու թիւը նուազած է 4 տոկոսով։ Աշխատանք փնտռողներու շարքին աւելի շատ են կիները՝ 54 211։
Շիրակի մէջ աշխատանք կը փնտռէ 15 հազար 451 մարդ, Երեւանի մէջ՝ 12 562, Լոռիի մէջ՝ 9 582, Կոտայքի մէջ՝ 9 301։
Աշխատանք փնտռողներէն 64 618-ը գործազուրկ են, անոնցմէ 43 108-ը կիներ են։ Նախորդ տարուան համեմատ հանրապետութեան մէջ գործազուրկներու թիւը նուազած է 7,4 տոկոսով։
Գործազրկութեան ամենաբարձր մակարդակը Շիրակի մէջ է։ Այստեղ, ըստ Ազգային վիճակագրական կոմիտէի, աշխատանք չունի 11 968 մարդ։ Շիրակին այս առումով կը յաջորդեն Լոռին ու Երեւանը։
