ԱՄՆ Ներկայացուցիչներու պալատի անդամ Ատամ Շիֆի գրասենեակը կը հերքէ 26 Ապրիլին տարածուած տեղեկութիւնը այն մասին, որ քոնկրէսականը հանդիպում ունեցած է ԱՄՆ-ի մէջ Սէուտական Արաբիոյ դեսպանի հետ. լուրը տարածուած է կեղծ կայքի միջոցով, անկէ օգտուած են ինչպէս հայկական, արաբական, այնպէս ալ օտարալեզու բազմաթիւ լրատուամիջոցներ:
Ատամ Շիֆի գրասենեակէն հաղորդած են, որ կայքը եւ նկարագրուած հանդիպումը ամբողջովին ապատեղեկատւութիւն է: «Վերջերս ստեղծուած է ԱՄՆ քոնկրէսական Ատամ Շիֆի անունով կեղծ կայքէջ, որ հրապարակած է մամուլի հաղորդագրութիւն՝ նկարագրելով քոնկրէսական Շիֆի եւ Սէուտական Արաբիոյ դեսպանի հանդիպումը: Նման հանդիպում չէ կայացած, եւ քոնկրէսական Շիֆը երբեք յիշատակուած թեմաները չէ քննարկած Սէուտական կառավարութեան հետ:
Քոնկրէսական Շիֆը քայլեր պիտի ձեռնարկէ՝ կանխելու ապատեղեկատւութեան տարածման այս քայլերը»:
