Համաշխարհային դրամատունը 2019-ին Հայաստանի համախառն ներքին արդիւնքի (ՀՆԱ) աճը 4,2 տոկոսի մակարդակով կը կանխատեսէ: Այս մասին ըսուած է Եւրոպայի եւ Կեդրոնական Ասիոյ տնտեսութեան մասին Համաշխարհային դրամատան զեկոյցին մէջ:
Զեկոյցի համաձայն՝ տարածաշրջանին մէջ տնտեսական աճը 2018-ին նուազած է մինչեւ 3,1 տոկոս:
«Կը կանխատեսուի, որ 2019-ին Հայաստանի մէջ տնտեսութեան աճը հասնի 4,2 տոկոսի եւ աստիճանաբար միջնաժամկէտ հեռանկարով հասնի մինչեւ 5 տոկոս»,- նշուած է զեկոյցին մէջ:
Զեկոյցին մէջ նաեւ նշուած է, որ 2020-ին Հայաստանի համախառն ներքին արդիւնքի (ՀՆԱ) աճը պիտի կազմէ 4,9 տոկոս:
