Մակը հրապարակած է «Երջանկութեան համաշխարհային զեկոյց»-ը, ուր Հայաստան անցեալ տարուան համեմատ 13 կէտով բարելաւած է դիրքերը` յայտնուելով 116-րդ տեղը: Հայաստանը ստացած է 4,559 միաւոր: «Արմէնբրես»-ի հաղորդմամբ` նախորդ տարուան զեկոյցին մէջ Հայաստան ամէնէն երջանիկ երկիրներու ցանկին մէջ 129-րդն էր:
Աշխարհի ամէնէն երջանիկ երկիրներու ցանկին մէջ առաջինը Ֆինլանտան է` 7,769 միաւորով: Ֆինլանտային կը յաջորդեն Դանիան (7,600 միաւոր), Նորվեկիան (7,554 միաւոր ), Իսլանտան ( 7,494 միաւոր), Հոլանտան (7,448 միաւոր): Լաւագոյն տասնեակին մէջ են նաեւ Զուիցերիան, Շուէտը, Նոր Զելանտան, Գանատան, Աւստրիան:
Ատրպէյճան 5,208 միաւորով կը գրաւէ 90-րդ տեղը, Վրաստանը 4,519 միաւորով 119-րդն է, Թուրքիան 5,373 միաւորով 79-րդ, իսկ Իրանը` 4548 միաւորով 117-րդն է:
