Սոցիալ Դեմոկրատ Հնչակեան Կուսակցութեան Կեդրոնական Վարչութեան անունով, կու գանք մեր խորին ցաւակցութիւնը յայտնելու Հայկական Բարեգործական Ընդհանուր Միութեան և համայն Բարեգործական շրջանակին՝ Տիկին Լուիզ Սիմոն Մանուկեանի մահուան կապակցութեամբ:
Ազգային բարերար և Հայկական Բարեգործական Ընդհանուր Միութեան երկարամեայ նախագահ՝ Տիկին Մանուկեանը արժանաւոր ժառանգորդն ու շարունակողը եղաւ իր հօր՝ Հայաստանի Հանրապետութեան Ազգային Հերոս՝ Ալեք Մանուկեանի ազգանուէր գործունէութեան, իր մեծ աւանդը բերելով հայ ժողովուրդի կրթական, մշակութային և այլ ոլորտներուն մէջ, թէ’ հայրենիքի և թէ’ Սփիւռքի տարածքին:
Մեր խորազգաց ցաւակցութիւնները կը փոխանցենք նաև Տիկին Մանուկեանի ընտանիքի բոլոր անդամներուն և հարազատներուն:
Ս.Դ.Հ.Կ. ԿԵԴՐՈՆԱԿԱՆ ՎԱՐՉՈՒԹԻՒՆ
Փետրուար 20, 2019
