Հայ ազատագրութեան գաղտնի բանակի՝ ԱՍԱԼԱ-ի անդամ Վարուժան Կարապետեանը յուղարկաւորած են «Եռաբլուր» զինուորական պանթէոնին մէջ:
«Արմէնբրես»-ի փոխանցմամբ` Կարապետեանի յուղարկաւորութիւնը տեղի ունեցած է զինուորական կարգով:
29 Յունուարին Հայաստանի մէջ 65 տարեկանին մահացած է ԱՍԱԼԱ-ի մարտիկ Վարուժան Կարապետեանը։
Վարուժան Կարապետեանը 80-ականներու սկիզբը ղեկավարած է Հայաստանի Ազատագրութեան հայ գաղտնի բանակի Ֆրանսայի շրջանի մարմինը։ 1983 թուականին Փարիզի «Օռլի» օդակայանին մէջ տեղի ունեցած պայթումէն ետք ան ձերբակալուած է եւ Փարիզի մէջ կայացած դատավարութեամբ դատապարտուած ցմահ ազատազրկման: Բանտարկութենէն 17 տարի անց, հայկական կողմի դիմումներուն ընդառաջելով, պաշտօնական Փարիզը 2011-ին ազատ արձակած էր զինք եւ արտաքսած Հայաստան:
