Home ՀԱՅԱՍՏԱՆ Մշտական Բնակութեան Ծառայութեան Ղեկավարի Տեղեկութիւնները Հայաստանի մէջ Հնդիկներու Թուաքանակի Մասին

Մշտական Բնակութեան Ծառայութեան Ղեկավարի Տեղեկութիւնները Հայաստանի մէջ Հնդիկներու Թուաքանակի Մասին

by MassisPost

2015-ին Հայաստանի մէջ մշտական բնակիչի կարգավիճակ ստացած է Հնդկաստանի 1119 քաղաքացի, 2017-ին`938,  2018-ին` մօտ 2000-ը: Այդ մասին 24 Յունուարին «Ազգային օրակարգ» հիմնադրամի կազմակերպած միգրացիայի հարցերով քննարկման ժամանակ ըսած է ՀՀ միգրացիոն ծառայութեան պետ Արմէն Ղազարեանը։

Անոր խօսքերով, 2018-ին եկածներու եւ մեկնածներու միջեւ տարբերութիւնը կազմած է 2966 մարդ: «Այսպիսով, ընդհանուր առմամբ, Հայաստանի տարածքում կան Հնդկաստանի մօտ 3000 քաղաքացիներ», – պարզաբանած է Ղազարեանը:

Իր հերթին «Երկիր ծիրանի» կուսակցութեան ղեկավար Զարուհի Փոսթանճեանը յայտարարած է, որ անմիջական շփում ունեցած է Հայաստանի մէջ բնակող հնդիկներու հետ եւ նշած, որ ընդհանուր առմամբ, անոնք բաւարարուած են հանրապետութենէն ներս իրենց կեանքով:

Միեւնոյն ժամանակ ան ընդգծած է, որ խօսքը Հայաստանի մէջ սորվող ուսանողներու մասին է, որոնք կրցած են ժամանակաւոր աշխատանք գտնել: Քաղաքական գործիչը համոզուած է, որ Հայաստանի ուղղութեամբ միգրացիոն գործընթացները աստիճանաբար աճելու միտում ունին եւ պէտք է պատրաստ ըլլալ անոր:

«Ժամանակի ընթացքում նրանք մեզ դիմելու են Հայաստանի քաղաքացիութիւն ստանալու համար: Մենք պէտք է պատրաստ լինենք եւ նախապատրաստենք բոլոր իրաւաբանական եւ իրաւական մեխանիզմները, որպէսզի յետագայում հնարաւոր խնդիրներ չլինեն, քանի որ մենք Եւրոպայի խորհրդի անդամ ենք», – յիշեցուցած է Փոսթանճեանը:

Հարակից Նյութեր

Leave a Comment