Թուրքիոյ պետական «Անատոլու» լրատուական գործակալութիւնը հայոց պատմական մայրաքաղաք Անիի վերաբերեալ նիւթ հրապարակած է, ուր նշուած է նաեւ, որ Անին 961-1045 թուականներուն եղած է հայոց Բագրատունեաց արքաներու մայրաքաղաքը:
Ինչպէս կը հաղորդէ «Արմէնբրես»-ը, հակառակ Անիի հայոց մայրաքաղաք ըլլալու հանգամանքը նշելուն, յօդուածին մէջ այն ներկայացուած է որպէս համընդհանուր պատմամշակութային ժառանգութիւն:
Յօդուածը մասնաւորապէս ուշադրութիւն հրաւիրած է Անիի զբօսաշրջային նշանակութեան վրայ: