Ատրպէյճանի Արտաքին գործոց նախարարութիւնը ընդարձակած է այն անձերու «Սեւ ցուցակը», որոնց արգիլուած է Ատրպէյճան մուտքը, այն պատճառով, որ այցելած են Լեռնային Ղարաբաղ:
Ցուցակին մէջ յայտնուած են Ռուսաստանի Պետական Տումայի միջազգային գործերով կոմիտէի փոխնախագահ, իշխող «Ետինաիա Ռոսիա» կուսակցութեան պատգամաւոր Սվեթլանա Ժուրովան եւ գրական մրցանակներու դափնեկիր, ռուս յայտնի գրող Լիւտմիլա Ուլիցկաիան:
Ուղեւորութեան արդիւնքներով «Սեւ ցուցակ»ին մէջ ընդհանուր ներառուած է 8 մարդ, իսկ յատկապէս՝ բժշկական օգնութեան «Հաւատ» հիմնադրամի հիմնադիր Աննա Ֆետերմեսէրը, «Կամաւորներ՝ յանուն որբ երեխաներու օգնութեան» բարեգործական հիմնադրամի ղեկավար Ելենա Ալշանսքաիան, «Կանանց երկխօսութիւն» կուսակցութեան նախագահ Ելենա Սեմէրիքովան, լրագրողներ Քատերինա Կորտեեւան եւ Քիրա Ալթմանը, «Երազանքի դահուկներ» հիմնադրամի տնօրէն Օլկա Շիլովան, Ռուսաստանի Պետական տումայի պատգամաւոր Սվեթլանա Ժուրովան եւ գրող Լիւտմիլա Ուլիցկաիան, որուն «Յակոբի սանդուղք» վէպը նախապէս թարգմանուած է ատրպէյճաներէն:
Յիշեցնենք, որ ռուսաստանցի կանայք Լեռնային Ղարաբաղ այցելած էին վարչապետ Նիկոլ Փաշինեանի խաղարարար նախաձեռնութեան շրջանակէն ներս:
