ՀՀ գլխաւոր դատախազութեան պետական շահերու պաշտպանութեան վարչութեան կողմէ ուսումնասիրուած է հողամշակներուն գիւղատնտեսական աշխատանքներու համար մատչելի գիներով պարարտանիւթերու ձեռքբերման նպատակով պետական աջակցութեան ծրագրով պիւտճէթային օժանդակութեան գործընթացին մէջ պետական շահերու պաշտպանութեան վիճակը:
Պարզուած է, որ 2012-2016 թուականներուն ծրագիրներն իրականացնելու ժամանակ ՀՀ Գիւղատնտեսութեան նախարարութեան պատասխանատու պաշտօնատար անձինք չեն կատարած ՀՀ կառավարութեան 24 դեկտեմբեր 2003-ի թիւ 1937-Ն որոշմամբ հաստատուած պետական պիւտճէէն իրաւաբանական անձանց նպաստներու յատկացման կարգի պահանջները, այսինքն չեն կատարած յատկագումարի նուազագոյն շահաւէտ գինի ընդունուած կարգի հաշուարկման եւ ՀՀ Տնտեսութեան նախարարութեան հետ համաձայնեցման իրենց ծառայողական պարտականութիւնները: Արդիւնքը եղած է այն, որ միայն 2015-ի բորակածին պարարտանիւթի մասով պետական պիւտճէէն անհիմն 1.427.000.000 ՀՀ դրամ աւել փոխհատուցում տրուած է մատակարար ՍՊԸ-ին՝ պետութեան համար առաջացնելով ծանր հետեւանքներ:
Ընդ որում, այդ ՍՊԸ-ի՝ պետական պիւտճէի նկատմամբ չկատարած վարկային պարտաւորութիւնը մինչ օրս կը կազմէ 396.682.378 ՀՀ դրամ:
Նկատի ունենալով, որ արձանագրուած խախտումներն առերեւոյթ կը պարունակեն յանցագործութեան յատկանիշներ՝ ՀՀ գլխաւոր դատախազութեան պետական շահերու պաշտպանութեան վարչութեան կողմէ ՀՀ քրէական օրէնսգիրքի 308-րդ յօդուածի 2-րդ մասով նախատեսուած յանցագործութիւններու յատկանիշներով յարուցուած է քրէական գործ, որուն նախաքննութեան կատարումը յանձնարարուած է ՀՀ յատուկ քննչական ծառայութեան:
