Ամերիկացի գրող Քարոլին Թրանթչ Կիւրպուզի եւ Թուրքիայէն թղթակից Սաիթ Սետրքան Կիւրպուզի կողմէ 2012-ին Թուրքիոյ միակ հայկական գիւղին մասին պատմող ֆիլմը թրքերէն պիտի թարգմանուի։
Ինչպէս կը տեղեկացնէ Պոլսոյ հայկական «Ակօս» պարբերականը, Անգարայի մօտ ԱՄՆ դեսպանատան հովանաւորութեամբ պատրաստուած «Փոքրացող համայնք․ Վագըֆ՝Թուրքիոյ վերջին հայկական գիւղ» վերնագիրը կրող վաւերագրական ֆիլմին մէջ ներկայացուած են 22 կենսագրական հատուած, 6 լուսանկարի պատմութիւն եւ երկու կարճ տեսագրութիւններ։ Մինչեւ օրս ֆիլմն անգլերէնով հնարաւոր է դիտել «vakifli.com» կայքէն։
Նշենք, որ Վագըֆ գիւղը Կիլիկիոյ Սուէտիայի շրջանի 6 գիւղերէն մէկն է, որոնց բնակիչները հանդիսացած են հերոսական Մուսալերան հերոսամարտի մասնակիցները։ 1939-ին Ֆրանսա Ալեքսանտրէթի սանճակը յանձնեց Թուրքիոյ։ Վագըֆ կը հանդիսանայ Թուրքիոյ վերջին ու միակ հայաբնակ գիւղը։
