Home ՄԻՋԱԶԳԱՅԻՆ Էրտողան կը Սպառնայ «Հրաժեշտ Տալ Եւրոմիութեան»

Էրտողան կը Սպառնայ «Հրաժեշտ Տալ Եւրոմիութեան»

by MassisPost

Թուրքիոյ նախագահ Ռեճեփ Էրտողան յայտարարած է, թէ հրաժեշտ պիտի տայ Եւրոմիութեան, եթէ Պրիւքսէլը Թուրքիոյ անդամակցութեան բանակցութիւններու օրակարգին մէջ նոր կէտեր չներառնէ: Այս մասին թուրք առաջնորդը յայտարարած է իշխող կուսակցութեան կեդրոնակայանին մէջ ունեցած իր ելոյթի ժամանակ:

«Կը բանաք կէտերը՝ կը խօսինք, չէք բանար՝ ցտեսութիւն»,- ըսած է նախագահ Էրտողան, կարծիք յայտնելով, թէ այն, ինչի մասին Թուրքիան խօսած էր անցեալին, իրականացած է: «Շուտով ՆԱԹՕ-ի գագաթնաժողովն է, այնտեղ ալ կը խօսինք: են Հինգ կէտերէ բաղկացած ցանկ ներկայացուցած են՝ Թուրքիոյ մէջ արտակարգ դրութեան չեղեալ յայտարարելու եւ այլնի մասին: Եւ այն, որ առաջին քայլը Թուրքիան պէտք է ընի»,- նաեւ ըսած է Էրտողան՝ Պրիւքսէլին կոչ ընելով տէր կանգնիլ խոստումներուն:

Էրտողանի այս խօսքերը հնչած են Եւրոպական հարեւանութեան քաղաքականութեան եւ ընդլայնման հարցերով յանձնակատար Եոհանէս Հանի յայտարարութիւններու ֆոնին: «Ռոյթըրզ»-ի հետ զրոյցին Հանը ըսած է, թէ Թուրքիոյ` Եւրոմիութեան անդամակցելու երազանքը կարելի է աւարտած համարել: Բացի այդ, Հան նաեւ յայտարարած է, թէ Թուրքիան զգալիօրէն հեռացած է եւրոպական սկզբունքներէն:

Հարակից Նյութեր

Leave a Comment