Եւրայանձնաժողովի նախագահ Ժան-Քլոտ Եունքերը այսօր անձամբ զգուշացուցած է Թուրքիոյ՝ եթէ Պրուքսելը հրաժարի այդ երկրի քաղաքացիներուն ազատականացուած համակարգով վիզաներու տրամադրումէն, անոր համար պատասխանատու պիտի ըլլայ միայն ու միայն Էրտողանի վարչակազմը:
Աւելի շուտ պաշտօնական Պրուքսելը հանդէս եկած էր նոր ու նախորդներէն առաւել խիստ յայտարարութեամբ մը՝ «ծայրայեղ մտահոգիչ» որակելով էրտողանի քայլերը ընդդիմադիրներու հանդէպ:
Յուլիսեան յեղաշրջման փորձէն յետոյ Թուրքիոյ իշխանութիւնները արդէն 110 հազար մարդ ազատազարկած կամ պաշտօնանկ ըրած են: Անցեալ շաբաթավերջէն ալ ճաղերու ետեւ յայտնուած են խորհրդարանի մեծութեամբ երկրորդ ընդդիմադիր կուսակցութեան առաջնորդներն ու մէկ տասնեակէ աւելի պատգամաւորներ՝ Քրտական աշխատաւորական կուսակցութեան աջակցելու մեղադրանքով: «Կոչ ենք անում Անգարային վերսկսել բանակցութիւններն ընդդիմախօսների հետ, երաշխաւորել խորհրդարանական ժողովրդավարութիւնը, այդ թուում՝ յարգանքը մարդու իրաւունքների, օրէնքի գերիշխանութեան, հիմնարար ազատութիւնների նկատմամբ»,- յայտարարած է Եւրամիութեան արտգործնախարար Ֆետերիքա Մոկերինին:
Պաշտօնական Պեռլինն ալ յայտարարած է, թէ պատրաստ է ապաստան տալ Էրտողանի վարչակազմի կողմէ հետապնդուող ընդդիմադիրներուն: «Թուրքիայի բոլոր այլախոհները պէտք է իմանան, որ Գերմանիայի Դաշնութիւնը համերաշխ է նրանց հետ: Եւ այն, ինչ հիմա կատարուում է Թուրքիայում, որեւէ կապ չունի եւրոպական արժէքների, օրէնքի գերակայութեան, ժողովրդավարութեան ու մամուլի ազատութեան հետ»,- Die Welt պարբերականին ըսած է ԳԴՀ արտգործնախարարութեան բարձրաստիճան ներկայացուցիչ Մայքլ Ռոտը:
Գերմանիոյ նախագահ Եոահիմ Գաուկն այսօր Պեռլինի մէջ ընդունեց Գերմանիա ապաստանած թուրք այլախոհներէն մէկուն՝ «Ճումհուրիյէթ» թերթի նախկին գլխաւոր խմբագիր Ճան Տունտարին: Առաջատար լրագրողը, որ շարք մը միջազգային մրցանակներ ու դափնեկիր է, հայրենիք վերադառնալու պարագային կրնայ յայտնուիլ ճաղերու ետեւ: էրտողան անցեալ տարի դատի տուած է անոր յօդուածի մը համար, ըստ որուն, Թուրքիան կը միջատէ սուրիական ճգնաժամին եւ զէնք կը մատակարարէ նախագահ Ասատի դէմ կռուող զինեալներուն:
Ի պատասխան, պաշտօնական Անգարան այսօր հրապարակաւ մեղադրած է Եւրամիութեան առաջատար երկրին՝«ահաբեկիչներին սատարելու համար»: «Գերմանիան Թուրքիայի դէմ ահաբեկչութիւնները հովանաւորող թիւ մէկ երկիրն է»,- յայտարարած է արտգործնախարար Մեւլուտ Չաւուշօղլուն: Վերջինս նաեւ տեղեկացուցած է․ Թուրքիան դիմած է Գերմանիոյ՝ Քիւրտիստանի աշխատաւորական կուսակցութեան մօտ 4 հազար անդամներու արտայանձնելու խնդրանքով, սակայն, անոնցմէ որեւէ մէկը դեռ չէ արտայանձնուած:
«Տարիներ ի վեր արեւմտեան առաջնորդները ներողամիտ են եղել Էրտողանի հանդէպ, հաշուի առնելով հանգամանքը, որ Անգարան ՆԱՏՕ-ի անդամ է, հնարաւոր պատուար՝ ռուսական ակրեսիայի դէմ ու առանցքային գործընկեր՝ Մերձաւոր Արեւելքից փախստականների հոսքը Եւրոպա կանգնեցնելու հարցում»,- այսօր գրած է Wall Street Journal-ը, ընդգծելով՝ «այդ ներողամտութիւնը, սակայն, պէտք է չափ ու սահման ունենա յ»:
