Հայաստանի ֆութպոլի ազգային հաւաքականի մարզիչի պաշտօնը 1 Նոյեմբերէն կը ստանձնէ Արթուր Պետրոսեանը։ Այս մասին կը յայտնէ Հայաստանի ֆութպոլի ֆետերացիայի պաշտօնական կայքը։
Արթուր Պետրոսեանը այժմ կը գլխաւորէ զուիցերական «Զիւրիխ-2» ակումբը։ Ան այս պաշտօնին կը փոխարինէ Վարուժան Սուքիասեանին, որ 13 Հոկտեմբերին՝ ԱԱ 2018-ի առաջնութեան ընտրական փուլի Լեհաստան-Հայաստան հանդիպումէն յետոյ հրաժարականի դիմում ներկայացուցած էր ։
Վարուժան Սուքիասեանը Հայաստանի ազգային հաւաքականի ղեկը ստանձնած էր 10 Դեկտեմբեր, 2015-ին։ Անոր ղեկավարութեամբ հաւաքականը ունեցած է 7 հանդիպում, որոնցմէ 2-ին յաղթած է, 4-ին՝ պարտուած եւ մէկ խաղ աւարտած կոլազուրկ հաւասարութեամբ։
Հաւաքականի մարզիչի փոփոխութեան մասին խօսակցութիւնները տարածուեցան յատկապէս Հայաստանի-Ռումանիա ֆութպոլի խաղէն յետոյ, երբ հաւաքականը սեփական հարկի տակ 0։5 հաշուով պարտուեցաւ ռումանացիներին։
Արթուր Պետրոսեանի գլխաւորութեամբ Հայաստանի հաւաքականը իր առաջին հանդիպումը կ′ունենայ 11 Նոյեմբերին՝ սեփական հարկի տակ հիւրընկալելով Մոնթենեկրոյի ընտրանին։