Home ՍՓԻՒՌՔ Պոլսոյ Սուրբ Խաչ Վարժարանի Պատերուն Հայութեան Ուղղուած Սպառնալից Գրութիւններ

Պոլսոյ Սուրբ Խաչ Վարժարանի Պատերուն Հայութեան Ուղղուած Սպառնալից Գրութիւններ

by MassisPost

Պոլսոյ  Սուրբ   Խաչ   վարժարանի  պատերուն հայութեան ուղղուած սպառնալից խօսքեր նկատուած  են: Այս  մասին     տեղեկութիւնը կը փոխանցէ  «Տէմոքրաթ հապէր» կայքը: Աղբիւրը, որ նոյնպէս տեղադրած է վարաժարանի  պատերուն   այսօր առնուած  ընդհանուր պատկերը նաեւ  գրած է, թէ  պատին վրայ  գրուած է «Ձեզի բերած ենք Քիւրշաթ թագաւորի ատելութիւնը»: Կը նշուի նաեւ, որ  միջին ասիացի  Քիւրշաթ   թագաւոր յայտնի էր իր ատելութեամբ:

Աղբիւրը  նկատել կու տայ, որ գրութեան հեղինակները,  կը ներկայանան որպէս Ապտիւլլահ Չաթլիի  հետեւորներ, ու  որպէս ապացոյց  գրութեան  տակ դրած են վերջինիս անունը: Նշենք, որ  Չաթլի Թուրքիոյ  ազգայանամոլ  («Գորշ գայլեր»  եւ այլ խմբաւորումներ) շրջանակներուն համար յայտնի է, իբրեւ եւրոպական տարբեր քաղաքներու մէջ  ԱՍԱԼԱ-ի դէմ    գործողութիւններ կազմակերպած  անձնաւորութիւն մը:

Հարակից Նյութեր

Leave a Comment