Հայաստան չ’ընդունիր խաղաղութեան պայմանագրի ստորագրումը նոր սահմանադրությեան ընդունմամբ պայմանաւորելու Ատրպէյճանի մօտեցումը եւ պատրաստ է համաձայնագիրը ստորագրելու այսօր։ Ազգային Ժողովին մէջ լրագրողներու հետ ճեպազրոյցին այս մասին յայտնած է ԱԺ նախագահ Ռուբէն Ռուբինեան։
«Մենք չենք ընդունում այդ մօտեցումը։ Մենք համարում ենք, որ որեւէ խոչընդոտ չկայ խաղաղութեան պայմանագրի ստորագրման, եւ հէնց այսօր էլ պատրաստ ենք ստորագրել խաղաղութեան պայմանագիրը»,- ըսած է Ռուբինեան։
ԱԺ նախագահին խօսքով՝ նոր Սահմանադրութիւն ընդունելու նախաձեռնութիւնը կը բխի Հայաստանի ներքին օրակարգէն։ Միաժամանակ ան չէ բացառած, որ անոր ընդունումը կրնայ նաեւ արտաքին քաղաքական հետեւանքներ ունենալ։
Ռուբինեան անդրադարձած է ընդդիմութեան հարցադրումներուն, թէ արդեօք սահմանադրութեան փոփոխութենէն յետոյ Ատրպէյճանը պիտի ստորագրէ խաղաղութեան պայմանագիրը եւ նոր նախապայմաններ չներկայացնէ։
Անոր խօսքով՝ իշխանութիւնը այդ հարցերը տրամաբանական համարած է, իսկ վարչապետ Նիկոլ Փաշինեան յայտնած է անոնց շուրջ մտածելու եւ ընդդիմութեան առաջարկ ներկայացնելու մտադրութեան մասին։
«Եթէ յաւելեալ երաշխիքներ են պէտք, գուցէ արժի գնալ այդ երաշխիքների հետեւից՝ ձեր առաջ բերած օրակարգի հարցի շուրջ»,- ըսած է Ռուբինեան։

