Ռուսաստանի մէջ եղբայրական հայ ժողովուրդին ցաւը միշտ ընդունած են որպէս սեփականը: Այս մասին ըսած է ՌԴ ԱԳՆ պաշտօնական ներկայացուցիչ Մարիա Զախարովա՝ անդրադառնալով Հայոց ցեղասպանութեան 110-րդ տարելիցին:
«Ապրիլ 24-ին կը լրանայ 20-րդ դարի առաջին կէսին տեղի ունեցած ամենաողբերգական իրադարձութիւններէն մէկուն՝ Օսմանեան կայսրութեան մէջ Հայոց ցեղասպանութեան 110-րդ տարելիցը։ ՌԴ-ի մէջ եղբայրական հայ ժողովուրդին ցաւը միշտ ընդունած են որպէս սեփական ցաւ: Պատմական վկայութիւններուն համաձայն՝ 1915-ին ռուսական կայսերական բանակի կովկասեան բանակը, Նիքոլայ 2-րդի հրամանով բանալով ռուս-թրքական սահմանը, փրկած է առնուազն 350.000 հայ: Մոսկուայի դիրքորոշումը այս իրադարձութիւններուն վերաբերեալ յայտնի է. այն հետեւողական է եւ հիմնուած մարդասիրական աւանդոյթներու վրայ։ Արդէն 1915 թուականին ռուսական դիւանագիտութեան ղեկավար Սերկէյ Սազոնովի նախաձեռնութեամբ միջազգային հանրութեան առաջատար անդամները կատարուածը որակեցին որպէս «մարդկությեան դէմ յանցագործութիւն»: Ժամանակակից Ռուսաստանը աշխարհի առաջին երկիրներէն էր, որ ճանչցած է Օսմանեան կայսրութեան մէջ Հայոց ցեղասպանութիւնը, Պետդուման 1995 եւ 2005 թթ. օրէնսդրական մակարդակով դատապարտած է 1915-1923թթ. Հայոց ցեղասպանութիւնը»,- ըսած է Զախարովա։
