Լիբանանի նախագահ Ժոզէֆ Աուն ուղերձ յղած է Հայոց ցեղասպանութեան 110-րդ տարելիցին առիթով՝ ընդգծելով, որ այդ իրադարձութիւնը ոչ միայն պատմական ցաւալի ողբերգութեան յիշեցում է, այլեւ արդարութեան, մարդու իրաւունքներու եւ մարդկային արժանապատուութեան հանդէպ Լիբանանի յանձնառութեան հաստատում:
«Այդ յիշեցում է աշխարհին բռնութեան, ծայրահեղականությեան եւ մեկուսացման բոլոր ձեւերու դէմ կանգնելու կարեւորությեան մասին»,- ըսած է Աուն:
Աուն վերահաստատած է Լիբանանի անսասան համերաշխութիւնը հայ ժողովուրդին հետ՝ այս սկզբունքները պահպանելու համար անոր խաղաղ պայքարին մէջ։ Ան նաեւ բարձր գնահատած է ծագումով հայ Լիբանանի քաղաքացիներուն ներդրումը՝ ընդգծելով անոնց երկարամեայ եւ կառուցողական դերը Լիբանանի քաղաքական, տնտեսական, մշակութային եւ գեղարուեստական կեանքին մէջ:
«Անոնք միշտ եղած են Լիբանանի բազմազան եւ առատօրէն միահիւսուած ինքնութեան անբաժանելի մասը»,- ըսած է Աուն:
Եզրափակելով իր յայտարարութիւնը նախագահը ըսած է. «Թող խաղաղութեամբ հանգչին Հայոց ցեղասպանութեան զոհերը, անարդարութեան ու յարձակման բոլոր զոհերը ամբողջ աշխարհի վրայ։ Թող Աստուած պահապան ըլլայ Լիբանանին եւ անոր ժողովուրդին բոլոր չարիքներէ»։
