Պետական Եկամուտներու Կոմիտէի նախագահ Էտուարտ Յակոբեանն Մեղրիի սահմանային անցակէտին վրայ դիմաւորած է վարչապետ Նիկոլ Փաշինեանը:
Վարչապետը եւ ՊԵԿ նախագահը շրջած են պետական սահմանի Ագարակի նոր կառուցուող անցակէտի շինարարական հրապարակին վրայ, ծանօթացած են Մեղրիի սահմանային անցակէտի վերակառուցման աշխատանքներուն:
ՊԵԿ նախագահը ներկայացուցած է անցակէտի վերակառուցման ընդհանուր ծրագիրը, նախատեսուող աշխատանքները եւ շինարարութեան ներկայ փուլի ընթացքը: ՊԵԿ նախագահը յայտնած է, որ ծրագրով նախատեսուած աշխատանքին շուրջ 20 տոկոսը արդէն իրականացուած է:
Ծրագիրը, որուն ընդհանուր արժէքը կը կազմէ աւելի քան 25 միլիոն եւրօ, կ’իրականացուի ՀՀ կառավարութեան եւ ԵՄ համաֆինանսաւորմամբ: Շինարարական աշխատանքները մեկնարկած են 2023 թուականի սեպտեմբերին, աւարտը կը նախատեսուի 2026 թուականին:
Պիտի ստեղծուի միջազգային չափորոշիչներուն համապատասխան նոր մաքսային սահմանային անցակէտ, որ յագեցած պիտի ըլլայ ժամանակակից սարքաւորումներով: Վերակառուցումէն յետոյ անցակէտին թողունակութիւնը քանի մը անգամ պիտի աւելնայ։
