ՀՀ ելեւմուտքի նախարար Վահէ Յովհաննիսեան Լիւքսեմպուրկի մէջ մասնակցած է EIB Group Forum 2025-ի շրջանակներուն մէջ կազմակերպուած «Օգտագործելով ԵՄ ընդլայնման հնարաւորութիւնները» խորագրով քննարկման:
Քննարկման ծիրին մէջ Վահէ Յովհաննիսեան անդրադարձած է Հայաստանի՝ ԵՄ-ին անդամակցելու գործընթացին առնչուող քանի մը կարեւոր հարցերու:
Նախարարը, մասնաւորապէս, խօսած է տարածաշրջանին մէջ հակամարտութիւններու խաղաղ կարգաւորման անհրաժեշտութեան, «Խաղաղութեան Խաչմերուկ» ծրագրի, ինչպէս նաեւ այս ծիրին մէջ Եւրոպական ներդրումային դրամատան հետ համագործակցութեան եւ օտարերկրեայ ուղիղ ներդրումներու ներգրաւման կարեւորութեան մասին։
