Միւնիխիի Անվտանգութեան համաժողովի շրջանակին մէջ վարչապետ Նիկոլ Փաշինեան հանդիպում ունեցած է Դաշնային վարչապետ Օլաֆ Շոլցի հետ:
Վարչապետ Փաշինեան առողջութիւն մաղթած է Միւնիխի մէջ օրերս տեղի ունեցած միջադէպէն տուժածներուն:
Հանդիպման ընթացքին կողմերը քննարկած են Հայաստան-Գերմանիա երկկողմ յարաբերութիւններուն օրակարգը եւ բազմոլորտ համագործակցութեան խորացման հեռանկարները:
Վարչապետ Փաշինեան կարեւորած է երկկողմ կապերու ընդլայնումն ու առեւտրատնտեսական կապերու աշխուժացումը:
Զրուցակիցները անդրադարձած են նաեւ տարածաշրջանային անվտանգութեան ու կայունութեան հարցերուն:
Վարչապետ Փաշինեան ներկայացուցած է Հայաստանի կառավարութեան՝ տարածաշրջանին մէջ խաղաղութեան հաստատման ուղղուած ջանքերը, այդ ծիրին մէջ մանրամասնութիւններ հաղորդած է «Խաղաղութեան Խաչմերուկ» նախաձեռնութեան` հիմնուած ինքնիշխանութեան, իրաւազօրությեան, հաւասարութեան եւ փոխադարձութեան սկզբունքների հիման վրայ, ինչպէս նաեւ Հայաստան-Ատրպէյճան խաղաղութեան գործընթացի զարգացումներուն մասին:
Վարչապետ Շոլց իր հերթին նշած է, որ Գերմանիա պատրաստ է շարունակելու աջակցիլ Հայաստանի ժողովրդավարական բարեփոխումներու օրակարգին, ինչպէս նաեւ խաղաղութեան հաստատման ուղղուած քայլերուն:
Հանդիպման աւարտին կողմերը վերահաստատած են փոխգործակցութեան խորացման պատրաստակամութիւնը եւ կարեւորած են երկկողմ քաղաքական երկխօսութեան շարունակականութիւնը:
