ՀՀ վարչապետ Նիկոլ Փաշինեան Փարիզի մէջ ներկայ գտնուած է Արհեստական բանականութեան գործողութիւններու գագաթաժողովի լիագումար նիստին: Վարչապետը եւ միւս բարձրաստիճան հիւրերը դիմաւորած է Ֆրանսայի արտաքին գործերու նախարար Ժան-Նոէլ Պարօ:
Միջոցառման մասնակցած են Ֆրանսայի նախագահ Էմանուէլ Մաքրոնը, Հնդկաստանի վարչապետ Նարենտրա Մոտին, ԱՄՆ փոխնախագահ Ճէյմզ Տէյվիտդ Վենսը, ՄԱԿ-ի գլխաւոր քարտուղար Անթոնիօ Կութերեշը, Եւրոպական Յանձնաժողովի նախագահ Ուրսուլա Ֆօն տեր Լայենը, Գանատայի վարչապետ Ճասթին Թրիւտօն եւ շարք մը այլ երկիրներու առաջնորդներ ու կառավարութիւններու ղեկավարներ:
Միջոցառման լիագումար նիստէն յետոյ տեղի ունեցած է գագաթաժողովի մասնակիցներու տեսալուսանկարահանման արարողութիւնը:
Վարչապետ Փաշինեան գագաթաժողովի շրջանակին մէջ կարճատեւ զրոյցներ ունեցած է միջազգային գործընկերներու հետ:
Մասնաւորապէս, վարչապետը Եւրոպական Յանձնաժողովի նախագահ Ուրսուլա Ֆօն տեր Լայենի հետ զրոյցին միտքեր փոխանակած է Հայաստան-Եւրոպական Միութիւն համագործակցութեան հետագայ զարգացման շուրջ:
Նիկոլ Փաշինեան հանդիպած է նաեւ Ֆրանքոֆոնի միջազգային կազմակերպութեան գլխաւոր քարտուղար Լուիզ Մուշիկիքապոյի եւ միջազգային այլ գործընկերներու հետ:
