Տեղի ունեցած է վարչապետ Նիկոլ Փաշինեանի հեռախօսազրոյցը Ռուսաստանի նախագահ Վլատիմիր Փութինի հետ:
Զրուցակիցները քննարկած են Եւրասիական Տնտեսական Միութեան մէջ Հայաստանի Հանրապետութեան նախագահութեան արդիւնքները, յառաջիկայ ընելիքները ԵԱՏՄ շրջանակներուն մէջ, ինչպէս նաեւ Հայաստան-Ռուսաստան երկկողմ օրակարգի շարք մը հարցեր:
Քրեմլինի մամուլի ծառայութիւնը կը յայտնէ հեռախօսազրոյցը կայացած է հայկական կողմի նախաձեռնութեամբ։
«Փաշինեան պարզաբանած է Եւրոմիութեան հետ յարաբերութիւններու ծիրին մէջ Երեւանի վերջին քայլերուն հետ կապուած իրավիճակը: Ռուսաստանի նախագահը տուած է համապատասխան մեկնաբանութիւններ եւ գնահատականներ»,- ըսուած է Քրեմլինի հաղորդագրութեան մէջ։