Հայկական Կրթական Բարեսիրական Միութիւնը (ՀԿԲՄ), որուն կեդրոնը կը գտնուի Փասատինա, Քալիֆորնիա, կը յայտնէ իր խոր ցաւն ու զօրակցութիւնը բոլոր անոնց, որոնք ազդուած են մեր համայնքը հարուածած աւերիչ հրդեհներէն: Մեր սրտերը յատկապէս կը տքան մեր հայ եղբայրներուն ու քոյրերուն համար, որոնք ծանր կորուստներ կրեցին այս աղէտի ընթացքին:
Մենք կ’ուզենք յայտնել մեր խորին ցաւակցութիւնը մեր անդամներուն եւ աջակցողներուն, որոնք մեր համայնքի անբաժան մասը կը կազմեն: Այս դժուար ժամանակաշրջանին, մենք կը կիսենք ձեր ցաւը եւ ձեզի հետ միասին կանգնած ենք կողք-կողքի:
Բազմաթիւ կորուստներու կողքին, ի մասնաւորի, կը սգանք աւերումը Ալթատինայի մէջ գտնուող Սահակ-Մեսրոպ Վարժարանի, որ 1980-էն ի վեր եղած է մեր համայնքի հիմնասիւներէն մէկը: Թէեւ այս կորուստը անչափելի է, մենք յանձնառու ենք աջակցելու անոր վերակառուցման ջանքերուն` ապահովելով, որ վարժարանը շարունակէ ծառայել իբրեւ կրթութեան եւ մշակութային պահպանման լոյսի աշտարակ:
Միասին մենք պիտի բուժուինք, վերակառուցենք եւ պատուենք մեր համայնքի տոկունութիւնը:
Խորին ցաւակցութիւններով,
Հայկական Կրթական Բարեսիրական Միութիւն
Փասատինա, Քալիֆորնիա