Նոյեմբեր 5-6-ին աշխատանքային այցով Հայաստան ժամանած է ՆԱԹՕ-ի՝ Եւրոպայի մէջ դաշնակցային ուժերու գերագոյն հրամանատարութեան շտաբի պետի տեղակալ, փոխծովակալ Կունշթէյն Պրուաստալի (Նորվեկիա) գլխաւորած պատուիրակութիւնը:
Այցի ընթացքին պատուիրակութիւնը հանդիպումներ ունեցած է ՀՀ ԶՈՒ Գերագոյն Շտաբի պետի տեղակալ, զօրավար-մայոր Արթուր Երոյեանի ու ՊՆ Պաշտպանական քաղաքականութեան եւ միջազգային համագործակցութեան վարչութեան պետ Լեւոն Այվազեանի հետ:
Հանդիպումներու ընթացքին քննարկուած են Հայաստան-ՆԱԹՕ համագործակցութեան ընթացքին եւ հեռանկարներուն առնչուող հարցեր:
ՆԱԹՕ-ական կողմին ներկայացուած է Հայաստանի մէջ իրականացուող պաշտպանական բարեփոխումներու ընթացքը:
Հայաստան այցի շրջանակին մէջ փոխծովակալ Պրուաստալի գլխաւորած պատուիրակութիւնը այցելած է ՊՆ Վազգէն Սարգսեանի անուան ռազմական ակադեմիա եւ խաղաղապահ ուժերու գումարտակ:
