Հայաստանի Հանրապետութեան նախագահ Վահագն Խաչատուրեան հրաժեշտի հանդիպում ունեցած է Հայաստանի մէջ Սիերա Լէոնի Հանրապետութեան արտակարգ եւ լիազօր դեսպան Ալի Պատարա Քամարայի հետ:
Հանրապետութեան նախագահը շնորհակալութիւն յայտնած է դեսպանին դիւանագիտական առաքելութեան ընթացքին կատարած աշխատանքին համար եւ մաղթած է յաջողութիւններ հետագայ գործունէութեան մէջ:
Դեսպանը, շնորհակալութիւն յայտնելով ընդունելութեան համար, շեշտած է, որ կը կարեւորէ երկու երկիրներու միջեւ առկայ համագործակցային ներուժի բացայայտման ուղղուած ջանքերուն ներդրումը, մասնաւորապէս՝ տնտեսութեան ոլորտին մէջ:
Հանդիպման ընթացքին քննարկուած են Հայաստանի եւ Սիերա Լէոնի միջեւ համագործակցութեան ընդլայնման վերաբերեալ հարցեր:
Հանրապետութեան նախագահը իր խօսքին մէջ նշած է, որ Հայաստանը վերջին տարիներուն կը խթանէ յարաբերութիւնները ափրիկեան երկիրներուն հետ համագործակցային նոր ուղիներ որոնելով:
Կողմերը միտքեր փոխանակած են տարածաշրջանային իրողութիւններուն շուրջ՝ երկուստեք ընդգծելով կայուն եւ յարատեւ խաղաղութեան հաստատման կարեւորութիւնը:
