Վարչապետ Նիկոլ Փաշինեանի հրաժարականը պահանջող Բագրատ սրբազանը Ազգային Ժողովին մէջ հանդիպած է ընդդիմադիր խորհրդարանական երկու խմբակցութիւներուն՝ «Հայաստան»-ի եւ «Պատիւ Ունեմ»-ի պատգամաւորներուն։ Ինչպէս հանդիպումէն առաջ նշեց, պայքարը շարունակելու համար որոշած են քաղաքական դաշտի բոլոր գործող դերակատարներուն հանդիպիլ։
«Յառաջիկայ գործողութիւններին իրենց որոշակի իմաստով անելիքները եւ հասկանալու համար, թէ ինչ ճանապարհով են առաջ գնալու», – հանդիպումէն առաջ լրագրողներու հետ զրոյցին ըսաւ ան։
Բագրատ Գալստանեանը նշեց, թէ իշխող «Քաղաքացիական Պայմանագրի» հետ հանդիպում նախատեսուած չէ, բայց պատրաստ է լսելու նաեւ իշխանական պատգամաւորներուն, եթէ ըսելիք ունին։
